【毛孩小學堂】喵星人換毛大作戰
踏入喵星人嘅換毛季節,各位奴才們係咪為屋企滿天飛嘅毛球而煩惱呢?🧶 喺主子換毛呢段時間最好每日都抽時間幫佢梳理毛髮,務求將身上多餘嘅毛毛梳走。但市面上有咁多種貓毛梳,究竟邊款先適合家中主子?🧐 等我地爲大家介紹各種換毛期嘅必備神器啦!😸

  1. 排梳 – 先用梳齒較闊嘅部分將毛髮梳開,再用梳齒較細密嘅部分慢慢梳理打結嘅毛球。呢種梳不論長毛定短毛喵星人都適用,梳毛之餘仲可以輕輕幫毛孩按摩💆
  2. 針梳📍 – 由於針梳嘅觸感同喵星人帶刺嘅脷好相似👅,除左可以有效處理毛髮打結嘅問題,仲會令貓貓增添一份安全感添💞
  3. 除毛梳 – 換毛季必備用品,可以有效將深層毛髮梳開同清除多餘毛髮,如果主子係長毛貓嘅話,建議先用針梳將打結嘅毛髮梳順再使用除毛梳😺
  4. 除毛手套🧤 – 戴上手套輕輕撫摸主子就可以一邊按摩一邊去除表層嘅廢毛,非常適合對於梳毛特別敏感嘅貓貓🙀
  5. 廢毛刷 – 多數用喺梳毛嘅最後一步,清理表層廢毛令毛髮更加順滑