【毛孩小百科】改善毛孩暈車浪🚗😷
趁而家秋高氣爽想帶毛孩出去兜風，但又怕佢暈車浪？做好以下4點減低毛孩坐車時嘅不適，想帶佢去邊度玩都無問題啦~🚗🐾

  1. 出發前不進食 – 出發前至少兩個鐘頭盡量避免比毛孩進食，以免佢太飽而容易作嘔🤮，以防萬一毛爸媽都可以帶備膠袋，咁就唔怕整污糟啦~😉
  2. 帶備飲用水💦 – 毛孩可能會因爲車廂局促而口渴同唔舒服，適時比毛孩飲水可以舒緩緊張情緒🤢
  3. 穩定車速⏱ – 開車時盡量保持穩定車速，令毛孩唔會因爲搖晃而感到不適😷
  4. 保持空氣流通🌀 – 嗅覺靈敏嘅毛孩容易因爲車廂嘅清新劑或車椅嘅皮味而暈車浪，打開少少車窗保持空氣流通可以減少毛孩不適，不過唔好開得太大令毛孩頭伸出去呀🐶🐾