【毛孩小百科】毛孩玩具要慎選🧐

毛孩嘅玩具有咁多款式,究竟邊款先適合主子?揀選玩具比毛孩時留意以下幾個注意事項,家中寶貝自然玩得開心又放心啦!

  1. 大小適中 – 揀選玩具時要根據毛孩體型大小而定,過大嘅玩具會令毛孩玩得吃力,而過細就有機會因誤食而造成危險⚠️
  2. 物料成份 – 細心留意玩具嘅製造物料有冇含有毒成份🧪,唔好選用有塑化劑、化學染料或有氣味嘅玩具以免影響毛孩健康
  3. 不易被破壞 – 避免選擇有紐扣、電池或容易被毛孩破壞嘅玩具,如果毛孩玩到興起扯甩左小零件又唔小心吞左落肚就麻煩啦!
  4. 避免用主人生活用品🧦 – 如果毛孩習慣左當主人嘅用品做玩具,就會養成亂咬物品嘅壞習慣,到時毛爸媽所有衫褲鞋襪都會成爲毛孩目標呀!🎯