【毛孩營養學】寵物糧食營養大拆解🦴
毛孩喺每個成長時期所需要補充嘅營養都唔同,一齊了解寵物食品嘅4大基本營養成分,為家中寶貝挑選適合嘅糧食啦!🍖

  1. 蛋白質 – 有助毛孩組織修復同肌肉生長💪,係體内細胞不可或缺嘅養分,不過要留意攝取過多蛋白質會加重肝臟同腎臟負擔架‼️
  2. 脂肪 – 有助細胞修復,缺乏脂肪會令毛孩出現皮膚乾燥同掉毛等問題🍂。衆多脂肪當中嘅魚油可以改善毛髮同維持心血管健康🐟,而 EPA同DHA成分仲可以令毛孩腦筋更靈活添。🧠
  3. 碳水化合物 – 包括糖🍬、澱粉🍚同食用性纖維🥬,係一種容易令寵物吸收嘅熱量來源。家中有年老毛孩就要注意攝取過多碳水化合可能會影響血糖值,更有機會引致糖尿病同心臟病等風險⚠️
  4. 水分💦 – 幫助調節體溫同潤滑體内組織,水分攝取量不足會影響毛孩排除體内不需嘅代謝物,嚴重更會影響健康架!