【毛孩知識王】汪星人嘅身份鑒定
汪星人🐶個鼻除咗出名靈敏,上面嘅紋路原來仲暗藏玄機添!人類除咗會用指紋去識別身份,喺日常都會用指紋解鎖手機📱,而狗狗嘅鼻紋隨著年紀增長都會維持不變,亦唔會出現重複嘅紋路,同樣係屬於佢哋獨一無二嘅記號嚟架!

早前有内地公司以最新嘅技術研發咗一套鼻紋識別技術,創立一個狗狗嘅鼻紋庫去預防毛孩走失。研究指出只要用手機程式影低毛孩嘅鼻,幾秒内就可以識別汪星人身份,準確度更高達95%添。除此之外,呢個身份識別技術仲可以替代傳統嘅晶片植入,大大減低皮下植入對毛孩嘅傷害。雖然呢項技術暫時只適用喺汪星人身上,相信鼻紋識別技術未來可以應用喺更多地方,為毛孩帶來更多好處!👍👍